• Fundaziun medias rumantschas
  • Abunar la newsletter «Lectura Rumantscha»
  • Chalender
Logo FMR
  • Tut
  • surregiunal
  • Surselva
  • Grischun Central
  • Engiadina
  • Newsletter

Lectura rumantscha

mesemna, ils 18 da november 2026
Toni Vinzens
FMR

Il youtuber da Sagogn

La carriera dal youtuber Marc Bundi da Sagogn ha cumenzà cun palpiri da tualetta. Mo halt, quai n’ha da far nagut cun tualettas u buatschas à la Not Vital. Marc Bundi aveva creà il 2019 per in’exposiziun ina piramida da palpiri da tualetta. Per documentar sia ovra n’ha el pia betg fatg fotografias, mabain in film. E far filmins d’art e da tutta sort è entant sia lavur – almain parzialmain. Anc na tanschan las entradas betg per viver, era sch’el ha prest in mez milliun abunents.

Il vitg da las bovas

Philipp è in dals nums che ma fascineschan dapi ch’jau hai stuì emprender grec. El tradescha numnadamain bler: Tgi che ha num Philipp, è in ami (phil) da chavals (hippos). Punct. Adina n’èsi però betg uschè evident. Per exempel tar il num dal vitg Rueun. Quel pudess derivar da ruvers. U ch’el va enavos sin in pled roman u preroman che ha in connex cun bova. Quai giess a prà cun l’istorgia dal vitg, sco ch’il perscrutader Georges Capol ha declerà a chaschun d’in referat a Rueun. A la fin dals quints stoppian ins dentant anc perscrutar vinavant la derivanza dal num sco era l’istorgia dal vitg.

Il scolast e geolog Georges Capol ha envidau ad in referat sils fastitgs da Rueun. Foto: Martin Gabriel

L’impressari dal Stradun

Nua ch’jau passent mia pensiun, na sai jau anc betg – sper il Lago Maggiore u la Mar Mediterrana fissi forsa anc bel, u betg? Almain per Ludwig Hatecke n’è quai era cun passa 70 onns nagin tema. El passenta sia pensiun actualmain al Stradun da Scuol. Quai per sa deditgar a sia passiun, vul dir manar affars. Ludwig Hatecke ha numnadamain surpiglià l’anteriura Pastizaria Café Benderer per realisar ses otgavel affar: «Pan Divin» e  «Vivanda Engiadinaisa».

Per realisar ses otgavel affar ha Ludwig Hatecke renovà l’anteriura Pastizaria Café Benderer a Scuol. Foto: Dario Müller

A revair e bun divertiment cun la Lectura Rumantscha!


Abunescha la Lectura Rumantscha.

In onn grass per l’Arena Alva SA

La Gruppa Arena Alva SA ha giu in bien onn da gestiun. Denter auter grazia alla natira, respectiv a duas nevaglias digl unviern vargau. Quei…
Augustin Beeli/FMR, ils 23 da settember 2025

Navigaziun dad artitgels

« enavos 1 … 267 268 269

Gust da leger dapli?

  • La Pagina da Surmeir
  • Posta Ladina
  • La Quotidiana
  • RTR
  • Impressum
  • Protecziun da datas
Logo FMR Logo FMR