Lectura Rumantscha
FMR
Tut per la spusa ad Andiast
«Gie, jeu vi!» – I pretenda bain in pau preparaziun, avant ch’ins po dir quests pleds davant l’altar. Jau hai guardà avunda films da Hollywood per savair quai ed era che cunzunt il vestgì da nozzas po far rumpatesta. Almain en Surselva n’èsi dentant betg pli da far quitads. Ad Andiast porscha dapi il favrer Sonja Killias cussegls a spusas e gida da chattar il dretg vestgì. E schegea che l’experta da nozzas na porscha nagut per umens, po quai tuttina quietar l’in u l’auter spus.
I manca ina presa Gattuso
Ina tecnica mediocra, persuenter tant pli bler engaschi e direzza ed in zichel nauschadad – uschia pudess ins descriver il ballapedist pensiunà e campiun mundial Gennaro Gattuso. Giugadurs da sia sort èn dentant sa fatgs rars ozendi, e quai sco ch’i para betg mo a livel professiunal e tar ils umens. Tar l’equipa da dunnas da la Surselva saja quai numnadamain er in pau uschia. Ellas sajan magari memia pulitas, ha l’attatgadra Anja Furger constatà.
Il radund ed il quader
Il ballape è en sasez in sport simpel. Il radund sto en il quader – tenor in proverbi tudestg. E sch’il radund na va betg en il quader, alura turnan ins cun mauns vits a chasa. Quai ha er il CB Surses stuì sentir durant la runda d’atun. Cun be duas victorias n’han il Sursetters betg cuntanschì lur finamira. Ma quai duai sa midar la primavaira. Il trenader dal CB Surses Flurin Demarmels vul recaltgar ulteriurs 15 puncts e far in pass enavant en la tabella.
E sche ti es dal reminent gist a Vienna (ma er uschiglio), vali la paina da leger la columna da Seraina Caduff.
A revair e bun divertiment cun la Lectura Rumantscha!
Gust da leger dapli?