Lectura Rumantscha
FMR
Questa Lectura Rumantscha vala bler, perquai ch’ella preschenta absolutas particularitads e preziusadads. Empermess!
In parfum sursilvan
Tgenin parfum dovras ti? Ina marca enconuschenta, in parfum pli char u plitost in’essenza bunmartgada dal discounter? In’absoluta particularitad offreschan ils dus frars Samuel e Jonathan Vinzens da Luven: in parfum sursilvan. E co savura quel? In dals parfumeurs di: «Per nus dominescha l’odur da lenn.»
La cuntrabanda al cunfin
Tgi sa, forsa è era vegnì sfruschà («schmugglà») in u l’auter parfum avant onns sur il cunfin svizzer-talian. Fin en ils onns 1960-70 era la cuntrabanda in sectur economic impurtant en las regiuns da cunfin. In cudesch dat uss in’invista en quella istorgia.
Il tip secret dad Andeer
En tge bogn avert u en tge lai vas ti quests dis il pli gugent a ta refrestgentar? En il bogn nostalgic da Vulpera, en la Badi Sand a Cuira u forsa en il Lai da Canova a Pasqual? – Nus avain in tip secret: il bogn avert dad Andeer. Quel ha prest 100 onns. Ils emprims onns aveva el anc aua brina. Oz è l’aua schubra, per fortuna!
Il crappun sur Trun
Ina particularitad fitg greva han ils lavurers communals da Trun scuvert avant dus onns sin il Muot da Munt. In crappun da 240 m³ era sa distatgà ed aveva demolì las lavineras. Ussa han ils lavurers fatg flucs cun il gigant.
In collega prezius
Ed oz prenda in da noss collegas prezius cumià per ir en pensiun: Augustin Beeli da Sagogn. Nus al laschain vegnir a pled cun ina columna «carte blanche».
Bun divertiment cun las particularitads da la Lectura Rumantscha!
Gust da leger dapli?