Lectura Rumantscha
FMR
Anc in curt mument cun Paulin Nuotclà
I saja stà in’experientscha da bellezza. Pascal Gamboni è anc adina tut commuventà da las registraziuns cun Paulin Nuotclà barmier la stad 2025. L’album «Be per ün cuort mumaint» è la reminiscenza da quellas 24 uras registraziun en la stiva da Paulin Nuotclà a Sent.
Reminiscenzas giuvnas
El sez manegia che sias reminiscenzas sajan plitost per persunas «sils onns». Ma igl è segir er interessant per persunas giuvnas – u mez-giuvnas sco jau – da leger da l’uffanza en Tujetsch dad Adalgott Berther (86). Dapi 20 onns scriva el dal temps si d’alp e da la lavur en puraria. 23 da quellas istorgias ha Adalgott Berther uss edì en in cudesch, tenor mai per vegl … e giuven.
Lieu da quietezza
Be ina reminiscenza vegn bainbaud il bogn roman-irlandais a Scuol ad esser. El vegn remplazzà cun in lieu da quietezza. Ils bogns chauds da vapur fan plaz al silenzi ed a la contemplaziun.
Il tschierv mort en la fotogallaria – gea u na?
E contemplaziuns han dus collavuraturs da la FMR fatg davart la chatscha, pli exact davart las fotografias e las predas publitgadas sin ils chanals dad RTR. Duai la Chasa da medias rumantscha cuntinuar a far quai u betg? Las opiniuns van dapart. In pro e contra.
A revair e bun divertiment cun la Lectura Rumantscha!
Gust da leger dapli?