Lectura Rumantscha

Sandro Buchli
FMR

Bun di! Las trais istorgias dad oz:

Co vai?

Co vai – Tge resposta das ti sin questa simpla dumonda? «I va schon», ubain: «i va tiptop», ubain: «stuair far pudair»? I dat dis che la resposta n’è gnanc uschè simpla, chat jau. Mes collega redactur Martin Gabriel ha visità ina sairada d’infurmaziun a Glion, nua che la sanadad psichica dad uffants e giuvenils è vegnida tematisada. Tenor l’experta han blers dals problems dals giuvenils era da far cun tut quai che capita online.

Savognin en fevra da tunder nursas

Atgnamain stuess jau urgentamain ir tar il coiffeur! Ma emna per emna spost jau quest termin – sorry coiffeurs, cun mai na faschais vus betg grondas fatschentas! In pau auter èsi ì cun las 300 nursas surmiranas. Quellas èn vegnidas tundidas la sonda passada orembora senza schanetg. E quai en preschientscha da varga 2500 aspectaturas ed aspectaturs.

Trais minutas decisivas

Jau sun era gia s’agità dal problem che Andreas Cadonau descriva oz en sia columna. Malgrà chalzers da sport e chommas pli u main sveltas, n’hai jau betg pudì tiers la colliaziun da tren che maina davent da la staziun da Cuira en Surselva. La raschun: Il temp tranter l’arrivada dad in tren da Turitg e la partenza dal tren da Cuira en direcziun Glion è mo calculà cun trais minutas. Trais minutas ch’igl è da dar gas!

Bun divertiment cun la Lectura Rumantscha!