Lectura rumantscha

La nova da la «nova»

Ti has segiramain gia udì la nova da la «nova». La redactura da SRF e correspundenta per l’Italia Simona Caminada mida dal Colosseum roman per immediat en il «Forum Rumantschum», en la chasa RTR a Cuira, Via da Masans 2. Ella daventa directura. Legia l’artitgel ed il commentari da Claudia Cadruvi.

2,2 milliuns sajets

Sche tut ils tiradurs e tiraduras sa radunassan al medem mument, fiss il stadion da ballape dal FC Basilea plain! Radund 36 000 participants/as chargian lur buis e pistolas durant il proxim mais en 20 lieus en il Grischun, per sajettar a la Festa federala da tir. Ier gievgia è stà il tir d’avertura sin il «Rossboden». 2,2 milliuns «plums» pli tard vegn la festa gigantesca era puspè ad esser a fin là.

Teater a Valendau

Savevas Ti, che la funtauna da Valendau è ina da las pli grondas funtaunas da lain da l’entira Europa? Sin il bigl da quella funtauna paradescha ina figura misteriusa dad ina nimfa da l’aua (foto). Per ina dunna cun abilitads magicas vai era en il nov toc da teater da l’anteriur schurnalist Martin Valär. Proximamain vegn quel toc mussà a Valendau.

E sco supplement: Sas ti anc betg tgi eleger en la regenza grischuna – e lessas ti savair tgi che va nua en vacanzas. En nossas intervistas vegns ti a savair dapli dals candidats e da las candidatas: Marcus Caduff, Valérie Favre Accola, Aita Zanetti, Nora Saratz Cazin, Martin Bühler, Reto Bott, Peter Peyer e Carmelia Maissen.

Bun divertiment cun la Lectura Rumantscha!